一念素食@HKU

今日我好朋友獲邀去COOK1COOK到一念素食試佢地既私房菜.主辦機構又可以俾佢地帶位朋友去, 而我就好榮幸地俾我朋友揀中左同佢一齊去喇呀!

香港大學對於我地呢D新界人黎講真係好遠好遠. 對上一次又係第一次去我諗已經係我朋友大學畢業去影畢業相個次!!

所以今次可以再去都幾期待!

一念素食BIJAS Vegetarian位於香港大學校園入面, 佢地係學校餐廳既其中之一. 有咩特別?社企, 素食CANTEEN, 自助形式消售, 惜食態度.

佢地聘請既部分員工係失聰人仕, 自閉症患者同長者, 負責人Howard話呢班員工雖然有殘障又或者年紀比較大, 但只要俾多D 耐性, 其實佢地既表現一D 都唔輸俾普通人, 甚至可以更好.

素食, 一講起呢樣野我諗多數人都會諗, 冇味, 單調, 多油, 宗教, 老人家先會食既野. 但你黎過呢到你會一一改觀, 因為佢地既經營模式好特別, 除左開係大學入面, 更以自助形式消售, 真係岩晒一班年青人去接觸素食呢樣野. 佢地收費收食幾多拎幾多再去以你拎幾左幾多食物既重量去收費, $16/100g 但白飯同湯就可以無限添. 對於學生黎講真係物有所值.

佢地重有一個好特別既地方, 就係環保. 餐廳新鮮未煮既廚餘會送上學校天台既花園堆肥再用黎種返香草供應返俾餐廳用. 另外佢地裝修就採用左Upcycling概念, 枱同椅都係喺被殺校既學校回收返黎再重用, 燈罩係用上膠樽同一D 舊既玻璃杯碟改成. 真係要俾10 個讚佢地呀!!!!

講返今日個主題, 我地係會去試佢地今季"清泉"宴席既新菜單. 總共有10道菜. 私房菜以4位以上先可以BOOK 嫁!

1-     素生菜包 - 主要係海帶加上紅蘿蔔&青瓜絲, 再配上好清新既芥末醬同生菜墊住, size 岩岩好一口一個, 海帶既軟加生菜既爽.

2-     素點心 - 豆苗餃, 味較濃

3-     素點心 - 豆角餃, 皮用菠菜汁整再配上用豆角整既餡, 爽爽的口感, 比起豆苗餃佢會係較淡既口味

4-     炸南瓜卷 –外型似海鮮卷, 熱辣辣!!!! 食入口軟綿綿同甜入心既南瓜蓉...

5-     素燉湯-主要用左松茸, 百合, 蟲草花, 腰豆, 花5個鐘去燉. 出黎效果湯清味鮮甜, 唔講以8先

6-     紫菜豆角卷 - 用上豆角同素肉鬆(用唔同既菇菌烘乾製成)做餡,口感爽脆. Howard 重即席示範俾我地睇點整添!

7-     蜜糖豆榆耳炒素"魚片"– 紅色既就係榆耳, 我都係第一次食咋, 爽爽地好似木耳咁但帶少少苦味.

8-     素炒麵 – 炒得夠乾身

9-     坦桑尼亞咖啡 - 飲品每人都有一杯, 可以揀菊花薑蜜, 核桃豆漿, 咖啡同中國茶

10-        薑汁紅棗糕 - 甜品, 夠彈牙, 薑汁味濃, 紅棗味都出. 但個人黎講就覺得麻麻地, 酸左少少.

COOK1COOK 主理人今晚除左帶我地黎一念試佢地既素食, 重搵黎2位素食健身教練, 話俾我地知其實食素都可以好大隻, 好健康, 重教左我地一D健康小知識添. 最後重有純素護膚品達人素心同我地介紹左佢既產品同功效, 重送左肥皂同潤唇膏俾我地試添.. 真係唔係得個UP 嫁..

今晚真係好開心, 認識多左素食既生活其實都可以多姿多采!

Ref: 

1. 一念素食 - https://www.facebook.com/BijasHK/

2. SoSum 素心 • 手工皂及個人護理 - https://www.facebook.com/sosum.soap

3. COOK1COOK - http://cook1cook.com/