2012 農曆年之河南回鄉記-北京食玩之二

因為尋日對於個早餐.. 一試難忘... 所以今日都要帶食呢d 野最咀"鵰" 個個細舅父黎一試呢到既早點...

今日試肉絲炒麵... 同尋日一樣咁好味... 

水餃..... 好味.... 出色不只在個餃子本身.... 個湯.. 都好好味... 你以為佢係白水加D白菜..其實佢加左D 蝦皮落去煮.... 飲起黎好鮮味.... 

小米粥, 普普通通

炸醬麵, 好味呀... 麵好爽, 青瓜絲爽脆, 炸醬味濃... 

呢個叫糟溜蛋, 蛋花湯係用酒糟煮.. 之後加蛋... 幾香既酒味... 蛋好滑.... 

牛肉麵, 普普通通

之後我地就出發去2008 奧運場地... 

 食完.. 係天安門東坐82號車去啦..... 唔晒轉車.. 30 分鐘就到喇..

天氣好好呀... 藍天影出黎... 好靚呀.. 

鳥巢+ 水立方套票..... 

入水立方前.... 重有個佈景板俾你影返張相...

 多左個水上樂園WOOOO!!!!

  鳥巢水立方

 新聞中心..

冬天佢地會整個真雪場俾人入去玩... 當然係另外收費啦... 

好大枝野呀... 

玩完lur...... 我地係鳥巢既東邊坐車走喇.... 會經過一條圍住成個奧林匹克森林公園既河.... 河面結晒冰喇..... 好多人都落左去... 我地都唔執輸先..... 落去睇下啦.... HAHA... 真係好勁呀.... D 冰都幾厚.... 起碼我地企上去都冇裂先啦!!!!

 

 上左車... 我地就去左北海公園.... 入面原來個湖結晒冰就會變左做一個冰上樂園.... D 人可以係上面滑冰... 好似好好玩咁... 但都係每項有收費啦...

行左個圈... 我地就返去再嚐烤鴨.... (由於王家細少話我地之前個日食得唔夠正宗WOOO)....

叫左條烤魚.... 幾好味呀... 

烤鴨 .. 都OK.. 但冇尋日個個咁脆.... 同埋佢個皮都好薄.. 比起香港個D.... 真係差好遠... 

爆肚...... 好味呀.... 

四季豆.... 鹵味拼.... 

就係咁.... 呢餐就好飽咁過左..... 亦都到左成個 trip 既尾聲喇。。。。　

２站都好玩。。。　各有各特色。。。。。　

我最愛既。。　就係呢個時間既溫度！！！！哈哈... 

有機會我都會再去河南一次...... 好排住夜晚既天空.. 好多星..... 好靚呀!!!!

2012 農曆年之河南回鄉記-北京食玩之一

清早的北京... 粉粉的雪..... 很美啊~~~

今天早上舅父3人會自己去個Day Tour 而我同媽咪2個就free 喇... 因為我地2個之前已經去過北京... 再去D 名勝重要係Day tour .. 真係唔好搞我地.. 

我地住係東華門大街.... 去王府井同故宮都好近, 腳程10分鐘到... 

我地今日自然醒...... 醒完就出去行一陣... 再搵食..... 

起左身..放下腳步... 我地就向故宮方向行... 由酒店出門口轉左... 直行再轉左就係南池子大街喇.. 

成條街有好多賣工藝(即係遊客手信舖)... 住宅.... 最重要係食店.... 

其實呢條街尋日都行過所以都大約睇過有咩舖.... 

尋日行已經有2間野好吸引我.. 因為佢地門口都有賣包子.... 

而我同媽媽就揀左間比較光猛既.... 講真... 佢既價錢又唔可以話平... 但質素呢... 真係唔差!!!

小籠包, 即包即蒸....  (同我地平時見既好唔同.. 佢真係平時食叉燒包既包皮.... ) 但味道真係好一流..... 佢既包皮唔係甜嫁.. 係真正北方口味既包皮.... 佢包入面充滿肉汁....真係好有surprise... 

酸辣粉, 呢個我估你地睇個樣都知好唔好味啦.... 真係可一不可再... 

素炒麵, 好好味... 除左即炒.... 佢個麵係即拉既.... 個麵質係冇得頂... 淋得黎彈牙... 滑... 爽.... 你唔會食到有d 粉係麵入面.... 香噴噴.... 又熱辣辣~~~~

食完早餐... 我地就冇planning 底下行去前面最近既巴士站有咩地方岩心水... 我地就上車去啦...

haha.. 去旅行..最過癮就係咁... 真係好好玩!!!

我地最後係坐左呢架 " 專1路", 目的地係前門.... 

 提起前門... 我就只會諗起呢除左呢到... 只有屋企先食過既麵疙瘩... 雖然唔係話好好食.. 但係出面食到... 又係另一番風味呢...
落到車... 一如以往.... 都係咁多人... 一路向前行.... 發覺比起3年前黎過既前門.... 唔同左好多喇.... 多左好多... 名店 - Rolex, Swarovski.... 同呢到格格不入.....  大國崛起既結果就係咁.... 係唔係都開名店...


見到咁.. 我就同我媽媽2個行左入D 橫街啦... 上次都冇行過... 其實都係賣個D 野囉... 王府井都係呢D...
行行下見到北京麻花.... 咁佢呢D  同我地屋企個D 係唔同既... 佢呢D 粗好多... 
之後我地就去左食"燒麥"... 最出名個間就係都一處.... 我上次去都有食... 今次特登帶媽咪黎呢到食麵疙瘩.... 另外我地重食左燒麥, 即係我地香港人既燒賣....

講堅... 香港既點心... 真係好食好多!!!!  呢個北方燒賣同廣東既相差最遠係個皮....
















係巷仔入面... 我買左對保暖鞋俾男人阿媽...
重有隻好得意既老虎仔.... 同埋一條睡裙俾自己....

去完前門.. 我地就坐返車返酒店lur~~~~ 旅行最好就咁... 攰就可以返去休息下....

之後等佢地返黎... 就出發去食餐好嫁喇... 我地行左去故宮既右上角.... 就見到個角樓喇~~~

好靚呀~~~

行左勁耐... 都搵唔到路.. 最後我地打的去我地既目的地... 花家怡園 (四合院店)~~~~

怡園霸王雞

 淑芳齋素燒鵝  

燒茄子

 干煸四季豆

 肉末燒餅

 西湖牛肉羹

 清 . 雍正王朝烤鴨

 怡園入面既環境都好靚.. 其實係四合園改建出黎.... 每晚重會有人表演... 功夫茶啦, 變臉啦, 刀削麵啦!!!!

花家怡園: http://www.huajiacai.com/