梳羅魚粉 (零廚餘系列)

呢個魚粉... 由個魚湯到黎...
平時D 湯渣煲完就唔要... 但我見到又覺得好浪費.. 好似都重有好多魚既精6未出晒係個湯... 所以就不如將D 魚湯渣磨左粉佢啦...

因為我個湯除左魚同水就乜都冇加...
所以我既魚粉除左自己煮粉麵做湯底.. 重會落去俾我班毛孩做補品...

梳羅魚湯寶 (零廚餘系列) by STAUB 24CM
https://cook1cook.com/recipe/24475！

份量: 9人, 製作時間: 1-2小時

材料

梳羅魚湯渣

2-3碗

做法

1.          將魚湯渣舖滿焗爐盤, 用100度慢火烘乾, 期間用匙更上下反動, 令所有魚渣平均受熱

2.          將已烘乾晒既魚湯渣, 用攪拌檮打成幼粉, 用玻璃樽裝

3.          磨出黎既粉係金黃色嫁.... 用法: 用茶袋($12店有售) 入1-2湯匙魚粉, 放入清水煲, 成清淡但鮮甜既湯底... 用黎煮烏冬, 滾冬瓜粒湯都係一個唔錯選擇

出街食 – Manna 嗎哪@大埔

太平開左間工廈餐廳, 去左幾次.. 真心要介紹下俾大家…

佢位處於太平工業中心第二座既一個工廈單位, 餐廳入面有兩排窗, 窗外既境就係衛奕信徑8段, 一大片既綠色樹林, 日頭上去食野HEA 真係令人好RELAX!!!

我已經係第4次黎… 第一次係黎TEA, 之後LUNCH, 最近2次都係晚飯..

佢有TEA SET, LUNCH SET, 至於夜晚就散叫+ $15就可以有湯加野飲!

講下佢地野食先… 性價比係極高既… 真係可以用抵食夾大件黎形容!!!! 同埋味道係真係食得出佢地好有心去做…

	手打漢堡 漢堡扒都好多肉汁 個飽唔係普通漢堡飽黎嫁WOOO.. 好似係每朝新鮮焗 再係上面掃左蜜芽糖 配蜜糖芥末醬同粗薯條… 講真.. 我咁大食… 都食唔晒呀!! 今日既餐湯係雜菜湯… 重跟左個無冰既凍奶茶….
	牛肝菌意大利飯 濃郁既牛肝菌味, 唔錯! 但我朋友就話飯有D 生…
	蕃茄海鮮意粉 五六十蚊一大碟意粉… 係出面D餐廳一定食到… 但要足料既話.. 我諗都真係得呢到搵到喇!!!! 有冇發覺佢地既PASTA 都會有少少沙律菜伴碟? 今日個湯係黑松露蘑菇湯, 好正!
	凱撒沙律 , 炸魚薯條 呢個配搭係KINGS BELLY 都食到… 同一個質素…. 但我諗要DOUBLE 價錢!!! 味道呢… 原塊魚柳, 外面脆但入面都幾JUICY!! 呢個係一個人唔會食得晒囉!!! 個沙律… 除左個麵包粒唔夠香之外… 其他都係above average 既!!! 我地另外重食左個CARBONARA 跟左菠菜忌廉湯, CARBONARA係好正… 但個菠菜忌廉湯認真係麻麻…

係MANNA 食野.. 最好既係你真係可以坐得舒舒服服… 食一餐飯… 唔怕俾人趕你走…

食完重可以去SOFA 個邊同D FRD 傾下計或者拎本書睇下… 打發下時間…. 靜靜地諗下野都得…

佢地CASHIER 同用餐區係分開既…. 而用餐區更以半自助形式去做,食完野要自己執枱. 咁樣令客人有好放鬆同自由既感覺WOOO.. 同埋以MANNA 角度都可以慳返DD 人手(成本)…

可能你會問佢地D 書都好舊… 冇錯呀… 佢地個D 都係2手書… 我都拎左好多上去俾佢地…

依家捐書俾佢地重可以全單9 折…. 

#Manna #嗎哪 #大埔

一人餐 - 黑松露三文魚炒飯

車輪切既三文魚扒 有時都幾蝦人整... 因為賣相點都唔夠一件年連皮既切法靚.

今日我就用左車輪切既三文魚扒整左個炒飯同脆魚皮整左個兩食!

份量: 1人, 製作時間: 30分鐘

黑松露三文魚炒飯材料

冷飯	1碗
三文魚扒 (車輪切)	1件
黑松露醬	1茶匙
生抽	1/2茶匙
油	1/2茶匙

青瓜配菜材料

青瓜	1/2條
芝麻醬	2湯匙
鹽	適量

做法

1.          三文魚表面灑鹽少許調味

2.          燒熱煎pan, 加油將三文魚以慢火煎至半熟, 取出, 折肉, 三文魚皮起出, 並將魚皮&魚骨煎至香脆

3.          煎好既魚皮&魚骨灑適量鹽調味, 取出, 放小碟

4.          煎pan不用洗, 用返同一個pan 將冷飯炒軟, 加三文魚, 生抽兜勻

5.          最後加黑松露醬拌勻, 上碟

6.          青瓜切絲, 用鹽略醃, 隔走水份, 加芝麻醬, 拌食