喜臨門麵家@澳門

上星期同屋企人一齊去左一日澳門.

主要都係以食為主啦！

葡撻，葡國菜，豬扒包就唔少得 

但我今次要介紹既係蝦籽同蝦籽麵

呢間舖係十月初五街 接近尾既位置 

我地由街尾牛記食左個蟹黃撈麵再行到黎喜臨門 

佢地買乾麵 當中有全蛋蝦籽麵、瑤柱蝦籽麵、魚蓉麵、菠菜麵

最重中之重既記係蝦籽，好香好香

我最後買左1斤全蛋蝦籽麵，粗幼兩溝共9個 $43斤 同埋一兩蝦籽$20/兩

今朝我用自己既蝦濃湯粒+成仔記雲吞+蝦籽粗. 只用清水，不需加鹽， 都夠晒味，啖啖都有蝦籽香！ 

店名： 喜臨門麵家

地址： 澳門十月初五日街38號地下

阿根廷Noelma 冰鮮雞@阿信屋

要講到數字屋既10大抵買item, 呢隻阿根廷Noelma 冰鮮雞真係不得不提.

佢長期處於有貨狀態, 唔使$30蚊就買到成隻雞, 應該都搵唔到第二到有咁荀嫁喇…

品質方面我覺得唔差, CP值好高呀! 肉唔會霉口, 又唔太肥, 肉都幾厚.

缺點係有D會比較多毛, 但呢D就自已清洗個陣都做到又唔會好影響味道, 我個人黎講都可以接受喎!!!

我之前試過用焗爐燒全雞, 但就真係要多人開大食會先可以整到…

咁我平時買左一個人點算? 好易姐就係將佢解體. 咁樣真係最少都食到6餐喎!

今次就分享下我平時點拆佢地喇.

我會將佢地分成4大類, ….

-         雞脾--> 照燒雞脾, 起肉拆骨變成雞扒

-         雞亦--> 瑞士汁雞亦, 咖哩雞亦

-         雞胸--> 切件炒雞球, 燒雞沙律

-         雞殼--> 煲湯