2012 農曆年之河南回鄉記-家之章

落左火車，好快就搵到"大招招＂（大舅舅）！原來鄉下城市係咁既，之後搵到架車就返屋企喇！





以為好近但原來唔係喎！要成2個鐘車先返到...
好快我地幾個都進入睡眠mode喇！
我地會係呢到留2日1夜....
好緊張呀!!!! 唔知屋企係點既呢...








入到疑似村既地方喇！
見到好多光脫脫既樹。 係冬天既樹呀！




返到屋企, 已經有一枱餸等緊我地喇... 

我地都估係我地返黎先咁好餸, 同埋天氣好凍..... 食個時.. 好多都凍晒喇... 

但都好好食呀... 

烚蛋 --> 好香蛋味呀.... 呢到D 雞全部都係走地嫁... 

炒花生 --> 少得好香脆, 送酒一流.... 

炒芽菜 --> D 芽菜短短肥肥嫁... 好好味呀...

炒西芹 --> 加左D 八角去炒... 好香... 

炒菠菜 --> 好味

炒蓮藕 --> 蓮藕好爽脆... 好好味

炆雞 --> 勁好味呀... 佢有D 花椒, 八角去炒完再炆....咁大個女都係第一次食咋... 

炆肥豬肉 -- 超好味.... 雖然你睇到成個碗都係油....... 但D 肥肉味... 真係你唔能夠拒絕嫁....

饅頭- --> 雖然唔係好白.... 但D 麵粉味真係比我地係香港買個D 好味好多呀...

家門前的一片空地

呢到每個屋企都會有個穀倉..... 

左上角: 厠所. 入面得一條坑, 乜都冇嫁喇... 

右上角: 屋門前, 有雞舍 ^.^

左: 家門前有堆火爐, 因為天氣太凍喇... 所以一家人會圍爐取暖嫁... 

食完早餐先9點.... 我地就開始係屋企附近周圍行下喇... 呢到既天與地.. 真係好靚好靚呀!!!!!!
望唔到邊際, D 樹冇晒葉...... 空氣又好!!!! 心中只能講一句..... 

冬天咪就係咁嫁囉....

走到去田到... 嘩.... 原來有霜呀!!!!!!! 但我又覺得唔係好凍WOOOOOO.... 有好溫暖既陽光

之後我地要出返城買車飛上北京呀!!!!!
最後我地係買唔到火車飛.. 要坐大巴上去... 重要10個鐘.... OMG

我地呢到叫睢縣, 呢到就係睢縣既城喇.....

天還是一樣的藍..... 但多了人和車.....

真的很感謝大大舅父 車我地幾個出去呀!!! 天氣好凍..... 我地幾個就坐係車後面既兜..... 有被保暖, 而佢就要面對寒風.... 一路上都流住鼻水呀... 又驚我地凍... 唔敢開咁快!!!!!

出到城... 我地就搵左大大舅父既孫女婿...
ummmmm... 即係我既表姪女婿....
即係乜? 我咪係表姑囉.... 佢地都唔好意思咁叫我呀... 

佢話佢自己以前係少林寺出過家..... 但依就做緊小生意...
佢依家都係光頭嫁.... 所以我就叫佢做花和尚....

由於佢係一個EX 和尚.. 所以佢帶我地去既地方都係一o的廟....

之後佢就帶我地去食飯喇...
佢話要帶我地去食D 岩我地胃口既野....
我地去個間野叫珍寶豆撈.... 我重以為係下米線個D 野....
點知.... 係打邊爐..... wkakkakakka... 正!!!!!
打爐係我既至愛之一.....  

我揀既係麻辣鍋.... 一開始食... 又唔麻又唔辣... 但慢慢食落就... 嘩!!!!!

我地叫到成枱都係野... 最後都係食左二百幾蚊... 真係好平呀... 同埋佢d 菜蔬真係好新鮮, 好甜呀.... 超正!!!!!!
 我地食完就去左買野.... 買杯麵, 汽水, 重有煙花.... wooooooo.... 今晚有好野玩!!!! (依家就開心! 今晚你就知...)

坐左係天台.... 有咩睇? 哈哈!!! 日落呀..... 靚到暈!!!!!

保暖波點褲...... 已經除左一條.... 即係話依家著緊一條褲咋.... 衫就一件底衫+背心羽絨.... 

其實... 真係唔係叫好凍囉!!!!




好靚既日落呀!!!!!!!!!!
 得閒冇野做.... 就圍爐取下暖啦!!!!!!!! ^o~

個天.. 清到...
用iphone 都影到d 星咁清楚.... 痴線...
呢一刻我只係諗到.... 

點解冇拎個大機黎影呀!!!!!!!

之後到今日既戲肉..... 煙花!!!!

買左一大袋.. 入面乜都有.... 都係50蚊人仔... 以為好抵啦?! 點知... 流到爆... o的煙花一點... 唔係向天放既... 係向地下放既...
我地一開始係屋企放... 佢爆入屋...
我地就改去田到放... 以為點飛都冇問題啦... 點知... 飛埋黎我到.... 爆左我隻腳!!!!!
 記得我條波點褲嗎? 就咁... byebye 左喇!!!!! 呢撻野.... 瘀足成個trip!!!!!!!!!!!!!!!
真係多謝王家小霸王....

玩到受晒傷.... 去訓喇.... 今日已經第3日冇沖涼同洗頭喇!!!! WKAKKAAK... 確實.. 呢到係冇自來水既.... 所以更唔好講有熱水啦....

今日訓既床佢地一早就準備好喇.... 有張棉被墊底+一張電毯, 另外再有2張棉被俾我地.... 真係好驚我地會凍..... 但訓訓下.... 有D 驚... 背脊 成日好似有陣風咁....
唔通有鬼?! 最後我估... 係D 棉被下面冇床板.... D 凍風穿過床框同棉被吹到入心呀!!!!!!

起身去左晨個運....... 又有霜喇!!!!!

食過早飯... 就出發同舅父認祖歸宗喇....

經過大大舅父既講解.... 原來.... 唸到成塊田都係我地嫁!!!! 大大舅父話.... 佢TOTAL 有2X畂地...... 呢到... 只係其中之一咋......
 天人... 合一.....

堅靚境..... 到呢周圍都係... 香港只得一個南生圍....... 

 係田到... 一個一個拱起既... 就係墳黎嫁喇.... 冇名冇相...... 只可以認個地點嫁咋..... D 鄉下人.. 真係好勁....

 家的小寶貝... 
 寶貝 X 2.. 佢2個好得意嫁.... 怕人... 但好為食...




佢就係我既表嫂... 佢老公過左身好耐喇...
佢依家就同大大舅父(即係佢老爺) 一齊住... 照顧佢同舅母....

佢亦都照顧我地呢幾日既每一餐... 辛苦晒喇...

走之前既一餐.... 其實日日食既野都差唔多..... 炒菜就係新鮮既....

舅父去左買D外賣野返黎...

炒花生
炒藕片
燒雞
滷羊肝
涼拌豆干絲
炒腐竹, 木耳肉絲
炒黃豆
豬肉凍
燒牛肉
炒柞菜
豆干
炒腐竹, 木耳肉絲
同炒柞菜
值得一提.....
D 腐皮好香... 最緊要係佢係一款熱餸.....

另外個個柞菜... 其實都唔知係咪柞菜... 因為佢個味有少少WASABI 味... 好得意!!!!

不得不提呢個酒....
係呢到.. 每一餐都會飲酒...
尋日返黎既第一餐.... 舅父就整左杯2鍋頭我嘆....
杯野... 堅啃!!!!!

但呢枝"張弓" 酒就唔同.... 入口好甜..... 甜味蓋左陣酒精味....
但其實酒精有70% ..... 痴線! 第一餐就已經飲酒...

不過係咁凍既天氣... 飲D 酒... 真係可以保暖... 難怪中國白酒咁高度數啦!!!!!

勁排住呢個肥豬肉呀.....  真係好回味再回味.... 返黎我估真係冇機會再食到嫁喇!!!!

食完.. 又去行下啦... 有人養左羊呀!!!!

就係咁... 完左2日陪王氏回鄉之旅..... 準備一路向北喇!!!!!!!