2012 農曆年之河南回鄉記-火車之章

呢個旅程係細舅父提議既...
上年既10月到就問我地有冇興趣返...
但因為我地返去既時間係春運期間
所以買火車票係比較麻煩.
我地出發既日子會係大年初二, 因為年初一一定要返阿公到拜左年先...

深圳--> 商丘河南

出發前睇天氣預報話會好凍.... 呢D 就係我D 行李喇...









深圳--> 商丘
by 火車, K1040
開車時間: 2012-01-24 09:48
到達時間: 2012-01-25 06:39







我地坐既係軟卧包廂, 原來全列火車只得一卡, 一卡入面有9 個廂.

一個廂有4張床1張小桌子, 重有暖氣同熱水壺tim...
重有熱水refill tim....

上下格床, 每張床都有枕頭同被
最初都幾擔心d 被會污糟有味... 呀.. 又冇wooo... 幾衛生喎....
我地要坐成廿個鐘車... 但都唔辛苦呀.. 因為有得訓, 有得行...

好喇.. 火車上面要解決大小2件事.. 又如何?
其實車卡上既厠所冇想像中咁差, 有一個踎, 一個坐, 另外重有一個洗手洗面既地方..
不過踎個個冇得沖水...
車上有一個rule 就係停車唔俾人地去既... 因為有冇水沖都唔係問題... 因為你柯既野.. 會直出軌道.. wkakkakkakakka
所以厠所唔臭 (另一個原因可能係冬天啦)...
車愈上愈北... 就愈來愈凍.... 你會發覺.. 你去小既時候... 一路去就一路出煙.... 真係一個好搞笑既經驗...

我地坐既個班車中間會停十幾個站.... 

去到贛州落雪呀.... 不過之後d 地方都冇 lur...

到左夜晚6點幾... 我地就去左餐卡到食晚飯...

先搵左位, 再俾錢買餐, 就等食喇...
原來好多人俾唔起錢坐好d 既位.. 都會去餐卡到坐嫁... 但一到食飯時間就會俾人趕...
唔好阻住做生意嘛.. ^.^





一個餐都唔平.. 35 人仔, 2素2肉既餸+ 1湯+1飯
oooo.. 原來係飛機餐咁...
我地呢餐就有

薯仔雞

炒節瓜

炒蛋

炒西芹

蕃茄蛋花湯

味道唔係主要... 最緊要飽肚... hahahahaha













係停南昌既時候... 我地就見到和諧號... 真係幾靚wooo... 睇到d 車廂都好新好乾淨....

差唔多落車喇... 我地都做足準備落車... 依家係清晨時間呀... 最凍既時候..

商丘站都幾舊... 但都好多人落車...









我地一出到去就見到黎接我地既大大舅父... 辛苦佢喇... 要佢5點幾就出門黎接我地....