出返城要去買車飛先... 買完... 未上得車我地就周圍行下先啦...
嘩! 原來呢到有車去烏魯木齊.... 成個車程係38 個鐘.. 重要直達.... 好恐怖呀!!!!
之後行左去個湖邊.... 成個湖面都結左層冰面呀... 但都係薄薄既一層.... 證明.. 真係唔係好凍呢...
我地就周圍行..... 媽咪同大大舅父就坐係室內等...
我地就係坐呢架大巴上北京....
上左車.. 等左好耐先開..... 唔係等人上... 而係架車好似有D 問題... 講真.. 真係有D 驚... 你地都知啦.. 大陸野.. 都冇咩好...
等既同時.. 我見到個天有一群鳥.. 佢地由好幾隻... 之後轉幾個圈.... 多一堆.... 重覆又重覆.. 就變左好大群呀... 好得意呀...
坐成10 個鐘..... 真係屎忽都爛....
重要d 同胞們係車入面食煙...... 真係慘過坐監...
我地成4點就係北京西站個邊落車.... 好多司機係到兜生意... 我地都用左$100 (重要條友唔識路).... 最後我地覺得係俾人呃左既....
今日北京天氣... 
由於checkin 時間係下午.. 我地半夜到咁點算呢...
reception 個為服務員真係好... 先幫我地check 有冇吉房先... 點知係冇既... 連一間細房俾我地洗下頭沖下涼都冇....
咁點算好呀!!!!!!!
佢好好人... 叫我地放低d 行李先... 之後就去拎左d 毛巾呀... 沖涼液呀... 洗頭水俾我地... 之後帶左我地去basement 既gym room... 原來個到有個changing room... 有沖涼呀!!!
我足足洗左個頭3次...
本身係河南... 其實真係冇咩野... 因為凍啦... 都冇咩出汗..... 但經過個10個小時既大巴.... 個頭真係痕到爆....
我地梳洗好晒喇.... 又冇地方訓.... 我地就出去搵下野食喇....
酒店去王府井都係10 分鐘腳程..... 去到...
嘩.... 北京都開FOREVER21....
平時好多人既王府井大街.. 依家一個人都冇... 真係好享受呢一刻既平靜呀...
之後我地去左食麥當勞早餐(冇錯... 呢到都有24 麥記既).. 至於點解要食... 就緊係我最巴閉個個舅父仔話事啦...
北京既APM... 
食完野.. 我地又去行下啦..但好多地方都未開... 又等下.. HEA 下.....
之後等到小食街開..... 又左去... 鑽左一陣...
又返酒店等有房拎啦... 我地係LOBBY 等.... 訓下... 真係好似露宿者咁...
YEAH!!! 終於有房... 前台重同我地講... 可以幫我地upgrade 去商務套房.....
真係好正... 最正既係.. 我呢間房... 只要$500 HKD 一晚... 爽呀!!!!!!
成間房有一張雙人床, 一個勁大厠所, 重有個廳......
重有部電腦.. 又可以上網...所以之後個幾日去邊.. 都可以上網睇下坐咩車去...
真係讚呀~~~~~
以下係呢幾日北京既預測天氣....
正呀.. 呢D 溫度超好!!!!
訂左回程既機票... 好在唔係我俾錢... 如果唔係我一定發癲...
不過咁講.. 如果係我搞成個TRIP 我一定唔會唔買定回程既機票囉.... 有D 人係要搵D 錢使下先覺得自己既存在既.... 
我地係房度安頓好..... 休息左一陣(因為真係好幾日都冇訓過一張好既床喇)... 入黑喇.... YEAH.. 我地出去掃街喇...
成條街都係小食... 同早上個條係唔同既...
而我都好清楚... 其實呢條街賣既野.... 都係搵遊客笨既小食... 不過都要食嫁!!!!!
我地食左爆(羊)肚
燒蠔 & 扇貝
中式燒芝士
炸腐皮盒... 
因為係中國農曆年....
所以京城都有指定地方俾人放煙花.... 我地就一路掃.. 一路睇煙花... 
我地返到房都可以見到出面放煙花呀... 靚到呢.....
後記: 我O係河南玩煙花既戰績... 基本上係... 唔係我玩.. 係人地玩... 我俾人整到咁..
沒有留言:
張貼留言